نبذه عن حياة الشاعرعبادل

السلام عليكم ورحمة الله

نبذه عن حياة الشاعرعبادل

الشاعر الكبير عبادل المالكي من قرية المشاييخ من الشعراء الذين برزوا في شعر القلطة وذلك بحكم تواجده بالقرب منهم سواء في الطائف أو مكة أو الرياض ولفترة طويلة جداً ، وكان رحمه الله متمكن جدا من هذا اللون ويعد منافساً وخصماً لا تلين له قناه حتى لمن هم اهل لهذا اللون من المحاورات وبشهادة الكثير من الشعراء فقد سألت عنه شخصياً وقبل سنين عدة الشاعر جارالله السواط ومستور العصيمي ، فأثنوا عليه كثيراً ، واستغرب كيف يهمل تاريخ وذكر هذا الشاعر الفذ من قبل الكثير من المنتديات التي تعنى بتاريخ وشعراء القلطة ، واستغرب من منتدانا ايضا اهمال ذكره ، عموما هذه نبذة عن حياة الشاعر والذي عاش بعيداً عن قبيلته لخلافات كانت بينهم وقد كانت له قصيدة غناها مسفر القثامي رحمهم الله جميعاً التي يقول مطلعها :

doPoem(0)

سقاك الله يا فرعة بجيلـهولو كان اهلها ما يذكروني

وهذه نبذة عن حياة الشاعر مع بعض الاشعار التي احفظها عنه وقد كان صديقاً للوالد رحمهم الله جميعاً مع رجائي للذين سمعوا شيئاً له او يحفظوا له شيئاً أن يدونوه هنا .

في يوم من الايام تقابل مع شاعر فقال له هذا الشاعر:

doPoem(0)

يسير هذا العلـم وإلا مايسيـرانا جبل بيضان ونت الخاصره

جبل بيضان والخاصره على حدود بني مالك مع بالحارث بيضان معروف بإرتفاعه الشاهق والخاصره جبل صغير بجانبه .
قال عبادل :

doPoem(0)

حنا بني مالك كما الضلع العسيروانا عبادل وانت كهله قاصـره

محاوراته مع احمد الناصر

عبادل المالكي - البدع

ياسلام الله عــليكم كل يــوم وكـــل ليله
يا مقررة البيوت ويا مصرفة المعاني
لي ثلاث اوجاب يا رجال والمهلة قـليله
والله اني ما نسيت اللي من أصحابي نساني

أحمد الناصر - الرد

مرحبا بك عد ما هلت هماليل المخيله
ردة يجذب سناها بالخفا والا البياني
السوالف لك مقيمة والليالي لك طويله
انت قدمت المعاني خايف من علم ثاني

عبادل المالكي – البدع

الله اكبر واحليلك يالبحور اللي مهيله
مير ضاع الفكر من شعبان في شهر رمضاني
والذي بامره جمعنا كل واحد من قبيله
ما نقصر في الوجوب ولا نقصر في العواني

أحمد الناصر- الرد

لاتهاون بالامور اللي تبي حيل وحيله
العرب مجبور تمشي من مكان الى مكاني
كل رجال يقولون العرب رايه دليله
لازم يمشي على رجله مثل ممشى الزماني

عبادل المالكي – البدع

انت اخويه وانت خصمي في الخفيفة والثقيله
والحساني ما جزاها للرجال الا الحساني
واحليل اللي مولع في زمانه واحليله
ما خفى وقت الردى مدري خبيث العهد خاني

أحمد الناصر- الرد

الحظيظ اللي يوافق للعرب وزنه وكيله
يفتهم كم الثلاث ويفتهم كم الثماني
من برك للحمل يا رجال ملزومً يشيله
والولع راعيه دايم بين خوف وبين أماني

عبادل المالكي- البدع

لا ولد عم قريب ولا صديق نشتكي له
وأنت يا أحمد لا نخيتك لا تظليّ مسنحاني
في دروب الناس ما نبغي على مثلك فشيله
والذي يغبـاك يا رجـال أظنـه ما غباني

أحمد الناصر- الرد

وش تبي باللي الى شاف العلف ينكر عميله
دايم يدفع حصانه لا بطان ولا عناني
والجهل دايم على الحمّـى يزودها مليله
واما أنا عيني تشوف ويسمعـنّك كل اذاني

عبادل المالكي – البدع

القمر لابان يا رجال كلاً يرتجي له
والمرارة والحلاوة كلها فوق اللسـاني
عاونوني واسعفوني واضربوها بالصميله
ما حتزينا لا سلاح ولا خذينا جنبخـاني

أحمد الناصر- الرد

المعاني يا عبادل مالها شرع او فضيله
الله اللي كـافل رزق الخلايق بالضماني
شفت هوش أهل السيوف وشفت هوش أهل الفتيله
ما اقدر اسمي فلان اولا اقدر اسمي فلاني

عبادل المالكي – البدع

صاحب الرحمن والله ما طمعنا في حصيله
مـار اشوفه يا عميلي طول ليله مغلطـاني
وش بدالك ياعمـــيلي يوم جيتك من بجيله
العرب لضـــيوفهم ما يذبحون الا السماني

أحمد الناصر – الرد

اما أنا من دون حالي بالكثيره والقليله
التزم بالحبل واسمع زين يا قاصي وداني
كل وادي يا عبادل ما يسيل الا بسيله
كان هو وادي الرشـا وان كان هو وادي المحاني

عبادل المالكي – البدع

الكرم لاهل الكرم ويديك ما خبرها بخيله
تقبل العكوز والا مقصدك ضرب السناني
وجهك ابيض مير كبدك يمة اصحابك غليله
والوسم مجبور يطرح في الرقاب او في الاذاني

أحمد الناصر - الرد

ما يخـاطر كل رجال معه روح ذليله
الحذر ثم الحذر عن حدنا يا مـودماني
من ثلاث اسنين واقف بالعصـا شرأي عيله
خابر قلبي ضلوعه تنطح الفتنه امتاني

عبادل المالكي

ســـلام رديـــه علـيكـم يافـهـــــود
من مـعــرفــات مايغــلـق بـابـهــــا
يالشاعر اللي ماتعدى في الحدود
والعـين مقصـدها تشوف أصحابهـا

أحمد الناصر - الرد

أهـــلاً وسهــلاً بالوقـوف وبالقعـود
ردة وفـــا غنــا بهـــا من جــابهــــا
النــاس تـــدري بالصـوادر والـورود
بعض الليالي السـود مايسرى بها

عبادل المالكي - البدع

ودي نقـود الـعـلم يـارجــال قــــود
وأهــل المصـاحف والـكتب تقرأ بها
ماني شرود وصاحبي ماهو شرود
مـيـر الليـالي ماحسبت احسابهــا

أحمد الناصر - الرد

مانتب عن الطاروق بالسيف امحدود
هـذا طــريق أجـنـابهــا وأصـحـابهـــا
مـير المعــاني لاتـجـي بيض وسـود
قــرر عـلمهـــا والـكــريم أولـى بهـــا

عبادل المالكي - البدع

النــار يارجـــال تاكـل كــل عــود
واللـي يشب النـــار يتصلى بهــا
شفت المخايل والنشايا والرعود
لا والله اللي جابـهـــا جــلابهــــا

أحمد الناصر - الرد

كل السوالف بين هون وبين كود
تـــدري بهـــا شيابهــا وأشبابهــا
النــار يارجـــال عيشتهـا الوقــود
هـذا مثـل والـنـار مـن شبــابهـــا

عبادل المالكي – البدع

ماأدري سببها من حمد والا حمـــود
ولا أبـغـي الا قــردتي وأنصـــابهـــا
والناس تمشي بين نقص وبين زود
راع الخيـــانـة بينـنـا يــدرى بــهــــا

أحمد الناصر- الرد

مدري يعود الوسوم والا مايعود
كـل الخيـام موثقـه بأطنابها
الجود يارجـال من كثر الوجود
راع العصـا ياصاحـبي عيا بها

عبادل المالكي - البدع

ياكم عطيتك مير تجحد ياجحود
يالحيـة اللـي سمهـا في نابهـا
انا دوى عينك وانا سم الكبود
أنصحك يارجال لا تضرى بهـا

أحمد الناصر – الرد

بيني وبينك جــا مواثيق اوعهــود
والى قضـت مــدتك جــا مصلابها
والى غويت الدرب عرضتك سنود
حيث أن أهل مكة تعـرف أشعابها

عبادل المالكي - البدع

واعتني واخلفت عني في الوعود
معـك جبــال نايـفـه تـرقـــا بهـــــا
راع التـمـدح لاتــدور منــه فـــــــود
اوراعي الكـذبات ماتعشـى بـهـــا

أحمد الناصر - الرد

أكــرب حــزامـك لاتنـــام ولا تنـــــود
الخـيــل ماحــد قــادهــا بأذنـابهـــــا
انـتـه مـعـك حـجـة ولا فيهـا شهــود
من باق في ديره رحل ماأمسى بها

عبادل المالكي - البدع

ان عـودت بكـرة لصفق بالخـدود
خيـمتـك نقـلعهـــا ونـتغـطـابهـــا
أبوك أنا صاحي مني مثلك رقـود
والطيبة ياصـاحبي نشـقــابـهـــا

أحمد الناصر - الرد

أنا شـــدادي ماتوقـيــه البــــدود
والقافـلـة دايـم معي مشعـابهــا
من صــد عني ماجزاه الا الصدود
والسابقة في الحرب من ركابهـا

عبادل المالكي - البدع

بكـره نجيكـم بالذخــاير والجنود
الغـاط والـزلفي نبي نرعـا بهـــا
والله ان تحـداك الحـراير والبـرود
واللي معه خيشه ما يتوقى بها

أحمد الناصر – الرد

نحسب حساب الروس واحساب اليهود
وأديـــارنـا تـصبــح عشـا لــذيـابـهــــا
ان جـيـت تلـقــا اللي مثــل قـدح الزنود
ربعي ضحــا الفـتنـة تـطـش أثيـــابهــا

مشكووووووووووور اخوي ع المجهووووووووود

يعطيك الف عافيه

ولا تحرمنا يديدكـ.. Wink