شباب اليوم!!!!!
--------------------------------------------------------------------------------
حبيت اتكلم عن شباب الجيل الجديد,شباب عصر الأنترنت و الفشخره و الأرقام المميزه,الشباب الي يشتغلون هب عشان يعتمدون على عمرهم ولا يتزوجون,للأسف عشان يشترون افخم السيارات,و الأرقام المميزه للسياره او الموبايل و افخم الأجهزه و اخر الشهر يفلسون,بعطيكم مثال,شاب عازب راتبه 10 الاف,1500 قسط الشقه مالت الربع,2000 درهم قسط السياره الكشخه الي تلفت انظار البنات,3000 يصرفها على المقاهي و المواعيد و نصف راتبه هدايا حق البنات و موبايلات و ساعات و ما يفكرون انهم يتزوجون من بنات بلدهم الأمارات لدرجة انها العزوبيه اصبحت 78% و الباقي متزوجات و مطلقات,انا ما اريد اجمع بين كل الشباب انهم جي يسوون بس اغلبهم جي,انا بنفسي يوم واحد يبي يتعرف على و ما اوافق يقولي بعطيج فلوس و هدايا,يعني احنا بفلوس بنظرهم و رخيصات,الحين انا اطلع ويا ربيعاتي و نتمشى و حالنا بحال نفسنا,نلاقي واحد يدق الجامه يقولنا اختي ممكن اعطيج رقمي يوم نقول لأ يقولون انزين انتوا عطونا رقمكم,بال ما يستحون منحرفين و خلوا اليهال الي توهم اعمارهم 12 و 13 بعد يرقمون,يوم كنت جدام المول و موبايلي مافيه رصيد و ابي الدريول ياخذني,حصلت ولد ياهل يحليله يمكن عمره 13 قلتله ممكن موبايل قلي انزين خذي يوم عطاني ياه و انا يالسه اكبس الرقم قالي سجلي رقمج انزين؟؟..انا احتقرته و قلتله خذ موبايلك ما اريد اتكلم و سرت و تميت اضحك عليه,شباب هالزمن عليه ديون مئات الألف بس عشان رقم سيارته مميز جدا و كل شهر يدفع من راتبه,يكون سعر الرقم 70 ولا 80 الف و الشقه 60 الف بالسنه,يعني صعب وايد يتزوج بس بعد الله يخليلنا ابونا الشيخ زايد بن سلطان النهيان الله يطول بعمره و يحفظه هو الي معيش المواطنين و معطيهم مزارع و بيوت و بنايات,المهم حبيت اقولكم وجهة نظري بشباب اليوم و بعد الله يهدي الجميع.
>Ro7Zayed<