يوم الأحد والبارحة وأمس واليوم
اشوف واسمع والحكي بالإشاره
مخلدن كنى على الوجه ملطـوم
عندى تواسى ليلها مع نهــاره
لاحي لا ميت ولا طابلي نــوم
ما حس تنزل أو تزيد الحـراره
شر بى وما بين الغذا غم وهموم
والنوم زافرتن تفت المــراره
صابر بحكم الله على كل مقسوم
مالى سوى منجي السفن فى بحاره
حظي كما طيراً تلب وابعد الحوم
زل العمر واقفى وأنا بانتظــاره
راوي من الدنيــا تفاسير وحلوم
بالشر تنذر ما وراهـــا بشاره
لو سرتك يومن غرابيلهــا دوم
كم فزر قومن شالته من ديــاره
واليوم لا تستنكر الشوم واللـوم
ناسن تهلل والديانه عيــــاره
أقرب قريب أن مت ما قال مرحوم
يقول زلت عن طريقي حجــاره
تقاطعت ولا حرفى رحمة البوم
ويعايرك من شافت الناس عاره
الله واكبر يا زمانن مضى حلوم
كله وفا والجار يحلف بجــاره
متكاتفين بكل داعي ومرسـوم
أعمالهم راحت علينا خسـاره
يا ما انقذوا بأموالهم كل مظلوم
بذراعهم يا ما اقهروا كل غاره
صارت فعايلهم حكايات وعلوم
نمشي بسيرتهم ولا من نمـاره
غض النظر يا ساهرن بات مهموم
ومـن شالها لاعمــر الله داره
عليك من نفسك ولا انته بلمـزوم
ولياك تمن لو تشوف البشـــاره
الوقت مظلم والهوى فيه مسمــوم
والكذب فرضن والنميمه اتجــاره
يا الله يا فارض لنا الخمس والصوم
انك تريد ابنا العدل والخيـــاره
ولا العمر لو طال لابد معــدوم
يا ويل من ياتى كتابه يســـاره
وصلاة ربى ما سرى البرق بغيوم
على نبيا شرف الله وقــــاره
موضوع: يوم الأحد والبارحةro7zayed 
السبت مايو 17, 2008 5:27 pm
